ജപമാലയിലൂടെ, രാജ്യത്തെ മാതാവിന് സമര്‍പ്പിക്കാന്‍ ഒരുങ്ങി ഓസ്ട്രേലിയ

ജപമാലയിലൂടെ, രാജ്യത്തെ മാതാവിന് സമര്‍പ്പിക്കുവാന്‍ തയ്യാറെടുക്കുകയാണ് ഓസ്ട്രേലിയയിലെ കത്തോലിക്കര്‍.
മേയ് പതിമൂന്നാം തിയതി ഞായറാഴ്ച്ച ഓസ്ട്രേലിയയില്‍ നടക്കുന്ന ജപമാല യജ്ഞത്തില്‍ പതിനായിരക്കണക്കിനാളുകള്‍ പങ്കെടുക്കും എന്ന് സംഘാടകര്‍ വിശ്വസിക്കുന്നു. ഓസ് റോസറി # 53  എന്ന പേരില്‍ അറിയപ്പെടുന്ന ഈ ജപമാല യജ്ഞം പോളണ്ടിലും അയര്‍ലണ്ടിലും യുകെയിലും നടന്ന ജപമാല യജ്ഞത്തില്‍ നിന്ന് പ്രചോദനം ഉൾക്കൊണ്ടുകൊണ്ടാണ് സംഘടിപ്പിച്ചിരിക്കുന്നത്.

ഫാത്തിമായിലെ പ്രത്യക്ഷീകരണത്തിന്റെ നൂറ്റി ഒന്നാം വാര്‍ഷികമാണ് മേയ്‌ പതിമൂന്നാം തിയതി ആഘോഷിക്കുക. ഈ അവസരത്തില്‍ തന്നെ ,മാതാവിന് രാജ്യത്തെ സമര്‍പ്പിക്കുക എന്നത് ഉചിതമാണ് എന്ന്  ഓസ് റോസറി # 53 യുടെ സംഘാടകര്‍ അഭിപ്രായപ്പെട്ടു . ജപമാല വഴിയായി മാതാവിന്റെ വിമല ഹൃദയത്തിലൂടെ രാജ്യത്തെ ഈശോയ്ക്ക് സമര്‍പ്പിക്കുകയാണ്. 2017  ല്‍ പോളണ്ടില്‍ നടന്ന റോസറി ഓണ്‍ ബോര്‍ഡെഴ്സില്‍ നിന്ന് പ്രചോദനം ഉൾക്കൊണ്ടാണ് ഈ പരിപാടി സംഘടിപ്പിക്കുവാന്‍ തീരുമാനിച്ചത് എന്ന് ഓസ് റോസറി # 53 യുടെ സംഘാടക ജാനേ ചിഫ്‌ളേ ആവർത്തിച്ചു.

ജപമാല യജ്ഞത്തെക്കുറിച്ചും അതിന്റെ സ്ഥലങ്ങളെക്കുറിച്ചും നടത്തിയ അറിയിപ്പിന് ലഭിച്ച പ്രതികരണം സംഘാടകരെ അത്ഭുതപ്പെടുത്തിയിരുന്നു. 220 സ്ഥലങ്ങളില്‍ നിന്നായിട്ടാണ് ജപമാല ആരംഭിക്കുക. അതില്‍ ഒന്ന് ഓസ്ട്രേലിയയിലെ പ്രശസ്തമായ ഹാര്‍ബര്‍ പാലമാണ്. ഓസ്ട്രേലിയയിലെ ഇടവകകള്‍ ഈ പരിപാടിയില്‍ പൂര്‍ണ്ണമായ സഹകരണം വാഗ്ദാനം ചെയ്തിട്ടുണ്ട് . പലസ്ഥലത്തും ഇടവക വൈദികര്‍ തന്നെയാണ് ജപമാലയ്ക്ക് നേതൃത്വം നല്‍കുക.

സിഡ്നിയിലെ ബിഷപ്പ് എമിരിറ്റസ് ഡേവിഡ് ക്രേമിന്‍ ആണ് ഈ പരിപാടിക്ക് അംഗീകാരം നല്‍കിയത്. മറ്റു ബിഷപ്പുമാര്‍ തങ്ങളുടെ സൈറ്റുകളിലൂടെയും മറ്റും ഈ ക്യാമ്പയിനെ പ്രോത്സാഹിപ്പിക്കുകയും പിന്തുണയ്ക്കുകയും ചെയ്തിട്ടുണ്ട്. വി. ജോണ്‍ പോള്‍ രണ്ടാമന്‍ പാപ്പാ, വി. പാദ്രെ പിയോ, വി. മേരി മക്കിലൊപ് എന്നിവരാണ്  ഓസ് റോസറി # 53 യുടെ സ്വര്‍ഗ്ഗീയ മധ്യസ്ഥര്‍.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ.ഓൺലൈൻ ഉത്തരവാദിയായിരിക്കില്ല.

അഭിപ്രായങ്ങൾ

വായനക്കാരുടെ അഭിപ്രായങ്ങൾ ഇവിടെ എഴുതാവുന്നതാണ്.

Please enter your comment!
Please enter your name here