ഒക്ടോബര്‍ 14: വി. കലിസ്റ്റസ് (217-222)

റോമില്‍ ജനിച്ച കലിസ്റ്റസ്, ചക്രവര്‍ത്തിയുടെ കൊട്ടാരത്തിലെ ഒരടിമയായിരുന്നു. പണം കാവലായിരുന്നു ജോലി. നിക്ഷേപിച്ചിരുന്ന പണം എങ്ങനെയോ നഷ്ടെപ്പട്ടു പോയി. നിവൃത്തിയില്ലാതെ വന്ന കലിസ്റ്റസു പലായനം ചെയ്തു. പക്ഷേ, അദ്ദേഹം പിടിക്കെപ്പടുകയും കാരാഗൃഹത്തിലടക്കെപ്പടുകയും ചെയ്തു. കുറേനാള്‍ ജയിലില്‍ കിടന്നശേഷം വി. കലിസ്റ്റസിന്റെ ഭൂഗര്‍ഭാലയം എന്ന് ഇപ്പോള്‍ അറിയെപ്പടുന്ന ക്രിസ്തീയ ശ്മശാനത്തിന്റെ സൂപ്രണ്ടായി നിയമിക്കപ്പെട്ടു. സെഫിറീനൂസു മാര്‍പാപ്പാ അദ്ദേഹത്തിനു ഡീക്കന്‍പട്ടം കൊടുത്ത് ഉപദേഷ്ടാവായി നിയമിച്ചു. മാര്‍പാപ്പായുടെ മരണശേഷം റോമയിലെ ജനങ്ങളും വൈദികരും ചേര്‍ന്നു കലിസ്റ്റസിനെ മാര്‍പാപ്പായായി തിരഞ്ഞെടുത്തു.

റോമില്‍ ആപ്പിയന്‍വഴിയിലുള്ള പ്രസിദ്ധമായ 4 ഭൂഗര്‍ഭാലയങ്ങള്‍ മണ്ണുനീക്കി കണ്ടെടുക്കാനുള്ള യത്നങ്ങള്‍ക്ക് ഇദ്ദേഹം നേതൃത്വം നല്കി. രണ്ടു ലക്ഷത്തോളം രക്തസാക്ഷികളെ ഇവിടെ സംസ്‌കരിച്ചിരുന്നു. പാപ്പായില്‍ പ്രശോഭിച്ചിരുന്ന നേതൃത്വഗുണങ്ങളും ദരിദ്രരോടും പാപികളോടും അദ്ദേഹം കാണിച്ചിരുന്ന വിശാല മനസ്‌കതയും കാരുണ്യവും അദ്ദേഹത്തെ ആദരണീയനാക്കി. പല പ്രതിസന്ധികളേയും അദ്ദേഹം ക്ഷമയോടും ദീര്‍ഘവീക്ഷണത്തോടും നേരിട്ടു.

ഈ സമയത്താണ് സഭയില്‍ ആദ്യമായി ഒരു എതിര്‍ പോപ്പ് (വിമത പാപ്പാ) ഉണ്ടാകുന്നത്. അത് ഹിപ്പോളിറ്റസ് എന്ന പ്രതിഭാശാലിയായിരുന്നു. അദ്ദേഹത്തിനു വലിയൊരു അനുയായി സമൂഹം ഉണ്ടായിരുന്നു. അവര്‍ റോമില്‍ ഒരുമിച്ചുകൂടി കലിസ്റ്റസ് പാപ്പായുടെ തിരഞ്ഞെടുപ്പ് അസാധുവാണെന്ന് വിധിയെഴുതുകയും പകരം ഹിപ്പോളിറ്റസിനെ പുതിയ പാപ്പായായി പ്രഖ്യാപിക്കുകയും ചെയ്തു. ഈ സാഹചര്യത്തെയും കലിസ്റ്റസ് പാപ്പാ സമാധാനപൂര്‍വ്വം നേരിട്ടു. അവരെ ദ്വേഷിക്കാനോ ശിക്ഷിക്കാനോ തുനിഞ്ഞില്ല. അവരോടു സഹോദരസ്നേഹത്തോടെ പെരുമാറി.

അന്നു നിലവിലിരുന്ന അപക്വവും വികൃതവുമായിരുന്ന ചില തപശ്ചര്യകളും പരിഹാരാനുഷ്ഠാനങ്ങളും പാപ്പാ നവീകരിച്ചു. ആത്മാര്‍ത്ഥമായി അനുതപിക്കുന്ന വ്യഭിചാരികള്‍ക്കുപോലും പാപമോചനം നിഷേധിക്കുവാന്‍ പാടില്ല എന്ന കല്പന പുറെപ്പടുവിച്ചു. സമൂഹത്തിലെ അടിത്തട്ടില്‍ നിന്നും മുളയെടുത്തു വളര്‍ന്ന ആ അടിമ പില്‍ക്കാലത്തു പാപ്പായായപ്പോള്‍ തന്റെ മുന്‍ഗാമികളെപ്പോലെ രക്തസാക്ഷിമകുടം ചൂടി.

പാപ്പായെ ഗദകള്‍ക്കൊണ്ടടിച്ചു കൊലെപ്പടുത്തുകയായിരുന്നു. ശവശരീരം ഒരു കിണറ്റില്‍ എറിഞ്ഞു. അവിടെയാണ് ഇന്നു കാണുന്ന ‘സാന്ത മരിയ ട്രാസ്തിവേരെ’ സ്ഥിതി ചെയ്യുന്നത്.

വിചിന്തനം: ദൈവവചനങ്ങള്‍ ശ്രദ്ധിക്കുക. അവ ഹൃദയത്തെ ഉജ്ജ്വലിപ്പിക്കുകയും മനസ്സിനെ പ്രകാശിപ്പിക്കുകയും നിരവധിയായ ആശ്വാസങ്ങള്‍ നല്‍കുകയും ചെയ്യുന്നു.

ഇതരവിശുദ്ധര്‍ : അങ്കദ്രോസിമാ(+625)/ബര്‍ണാര്‍ദ്ദ് (ഒമ്പതാം നൂറ്റാണ്ട്)/ബുര്‍കസ്‌കാര്‍ഡ് (+754) വുള്‍സബര്‍ഗ്ഗിലെ മെത്രാന്‍/ ഡോമിനിക്ക് (995-1060)/ കാര്‍പോണിയൂസ് (+308)/ഡോണേഷ്യന്‍(+390) റിംസിലെ മെത്രാന്‍/ഫോര്‍ത്തുനാത്തൂസ് (+537) റ്റോഡിയിലെ മെത്രാന്‍/റസ്റ്റീത്തൂസ്(+574)ടയറിലെ മെത്രാന്‍.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ.ഓൺലൈൻ ഉത്തരവാദിയായിരിക്കില്ല.

അഭിപ്രായങ്ങൾ

Leave a Reply