ഫ്രാന്‍സിസ് പാപ്പാ സഭകളുടെ ലോക കൗണ്‍സിലില്‍ പങ്കെടുക്കും 

2018 ജൂണ്‍ 21-ന് സ്വിറ്റ്‌സര്‍ലന്റിലെ ജനീവയില്‍ വച്ചു നടക്കുന്ന സഭകളുടെ ലോക കൗണ്‍സിലിന്റെ സമ്മേളനത്തില്‍ ഫ്രാന്‍സിസ് പാപ്പാ പങ്കെടുക്കും. പാപ്പയുടെ സന്ദര്‍ശനം ചരിത്രത്തിലെ നാഴിക കല്ലായിരിക്കും എന്ന് കൗണ്‍സില്‍ അംഗങ്ങള്‍ അറിയിച്ചു.

‘ഡബ്ല്യുസിസിയും കത്തോലിക്കാ സഭയും തമ്മിലുള്ള ബന്ധത്തില്‍  നാഴികക്കല്ലായി ഈ സന്ദര്‍ശനത്തെ അടയാളപ്പെടുത്തുന്നു. സ്വിസ് കോണ്‍ഫറന്‍സിന്റെ പ്രസിഡന്റുമായുള്ള കൂടിക്കാഴ്ചയും പ്രാദേശിക കത്തോലിക്കര്‍ക്കായുള്ള കുര്‍ബാനയും ഈ സന്ദര്‍ശനത്തില്‍ ഉള്‍പ്പെടുന്നു’. ഡബ്ല്യുസിസി ജനറല്‍ സെക്രട്ടറി ഒലാവ് ഫ്യക്‌സേ പറഞ്ഞു.

പരിശുദ്ധ പിതാവു നടത്തുന്ന ഈ എക്യുമെനിക്കല്‍ തീര്‍ഥാടനത്തിന്റെ ലോഗോയും മേയ് 15-ാം തിയതി പ്രസിദ്ധപ്പെടുത്തി. തിരമാലകള്‍ക്ക് മീതെ തുഴയുന്ന ഒരു പായ്ക്കപ്പലിന്റെ ചിഹ്നം അടങ്ങിയതാണ് ലോഗോ. ലോകത്തില്‍ നീതിയും സമാധാനവും അന്വേഷിക്കുന്നതിനായി ഒരുമിച്ചു സഞ്ചരിക്കാന്‍ ആഗ്രഹിക്കുന്ന ക്രിസ്ത്യാനികളെ അത് പ്രതിനിധീകരിക്കുന്നു.

Leave a Reply