കാ​ഞ്ഞി​ര​പ്പ​ള്ളി രൂ​പ​താ ദി​നാ​ഘോ​ഷം 12 ന് ​

കാ​ഞ്ഞി​ര​പ്പ​ള്ളി: കാ​ഞ്ഞി​ര​പ്പ​ള്ളി രൂ​പ​താ​ദി​നം 12 ന് ​കു​ട്ടി​ക്കാ​നം മ​രി​യ​ന്‍ കോ​ള​ജി​ല്‍ നടക്കും. ത​ല​ശേ​രി അ​തി​രൂ​പ​ത സ​ഹാ​യ മെ​ത്രാ​ന്‍ മാ​ര്‍ ജോ​സ​ഫ് പാം​ബ്ലാ​നി മു​ഖ്യാ​തി​ഥി​യാ​യി​രി​ക്കും. 146 ഇ​ട​വ​ക​ക​ളി​ല്‍ നി​ന്നു പ്ര​തി​നി​ധി​ക​ള്‍ പ​ങ്കെ​ടു​ക്കു​ന്ന സ​മ്മേ​ള​നം നടക്കും. രൂ​പ​താ​ധ്യ​ക്ഷ​ന്‍ മാ​ര്‍ മാ​ത്യു അ​റ​യ്ക്ക​ല്‍ സമ്മേളനത്തിന്റെ ഉ​ദ്ഘാ​ട​നം നിർവഹിക്കും. ക്രൈ​സ്ത​വ സാ​ക്ഷ്യ​വും ജീ​വി​ത​വും എ​ന്ന വി​ഷ​യ​ത്തെ കുറിച്ച് മാ​ര്‍ ജോ​സ​ഫ് പാം​ബ്ലാ​നി മു​ഖ്യ പ്ര​ഭാ​ഷ​ണം നൽകും.

ഒ​ക്‌​ടോ​ബ​റി​ല്‍ റോ​മി​ൽ ന​ട​ക്കു​ന്ന മെ​ത്രാ​ന്‍ സി​ന​ഡി​ന്‍റെ വി​ഷ​യ​ത്തോ​ട​നു​ബ​ന്ധി​ച്ചും 2018 യു​വ​ജ​ന​വ​ര്‍​ഷ​മാ​യി കെ​സി​ബി​സി പ്ര​ഖ്യാ​പി​ച്ചി​രി​ക്കു​ന്ന​തി​ന്‍റെ അ​ടി​സ്ഥാ​ന​ത്തിലും യു​വ​ജ​ന​കേ​ന്ദ്രീ​കൃ​ത​മാ​യി​ട്ടാ​ണ് രൂ​പ​താ​ദി​ന പ​രി​പാ​ടി​ക​ള്‍ സം​ഘ​ടി​പ്പി​ക്കു​ന്ന​ത്. രൂ​പ​ത​യി​ലെ യു​വ​ജ​ന​ങ്ങ​ളു​ടെ പ്ര​തി​നി​ധി​ക​ളാ​യി 300 യു​വ​ജ​ന​ങ്ങ​ള്‍ സ​മ്മേ​ള​ന​ത്തി​ല്‍ പങ്കെടുക്കും. യുവജനങ്ങളുമായുള്ള ഇ​ന്‍റ​റാ​ക്ടീ​വ് സെ​ഷ​നി​ല്‍ മാ​ര്‍ ജോ​സ​ഫ് പാം​ബ്ലാ​നി യു​വ​ജ​ന​ങ്ങ​ളു​മാ​യി സം​വ​ദി​ക്കു​ക​യും ചെ​യ്യും. ‘സ​ഭ​യു​ടെ പ്ര​തീ​ക്ഷ യു​വ​ജ​ന​ങ്ങ​ള്‍’ എ​ന്ന ആ​പ്ത​വാ​ക്യ​ത്തെ ആ​സ്പ​ദ​മാ​ക്കി യു​വ​ജ​ന ക​ണ്‍​വ​ന്‍​ഷ​ന്‍റെ ലോ​ഗോ​ സ​മ്മേ​ള​ന​ത്തി​ല്‍ പ്ര​കാ​ശ​നം ചെ​യ്യും.

ഉ​ച്ച​യ്ക്ക് 12.45നു ​ന​ട​ക്കു​ന്ന സ​മാ​പ​ന സ​മ്മേ​ള​ന​ത്തി​ല്‍ രൂ​പ​ത സ​ഹാ​യ​മെ​ത്രാ​ന്‍ മാ​ര്‍ ജോ​സ് പു​ളി​ക്ക​ല്‍ സ​മാ​പ​ന സ​ന്ദേ​ശവും സി​ഞ്ചെ​ല്ലൂ​സ് ഫാ. ​ജ​സ്റ്റി​ന്‍ പ​ഴേ​പ​റ​മ്പി​ല്‍ സ്വാ​ഗ​ത​വും മാ​തൃ​വേ​ദി രൂ​പ​താ സെ​ക്ര​ട്ട​റി ജി​ജി പു​ളി​യം​കു​ന്നേ​ല്‍ ന​ന്ദി​യും പ​റ​യും. പാ​പ്പാ​ഗാ​ന​ത്തോ​ടു​കൂ​ടി സ​മ്മേ​ള​നം അ​വ​സാ​നി​ക്കും.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ.ഓൺലൈൻ ഉത്തരവാദിയായിരിക്കില്ല.

അഭിപ്രായങ്ങൾ