ഫ്രാന്‍സിസ് പാപ്പായുടെ ലംബോര്‍ഗിനി ലേലത്തില്‍ വിറ്റു

ഫ്രാന്‍സിസ് പാപ്പായ്ക്കു സമ്മാനമായി ലഭിച്ച ലംബോര്‍ഗിനി കാര്‍ ലേലത്തില്‍ വിറ്റു. ലംബോര്‍ഗിനി കാറിനു ലഭിച്ചത് 7 ലക്ഷത്തി 15,000 യൂറോ ആണ്. ഇപ്പോഴത്തെ വിനിമയ നിരക്കനുസരിച്ച് ഏകദേശം 5 കോടി 72 ലക്ഷം രൂപയ്ക്ക് തുല്യമാണ് ഈ തുക.

ഈ തുകയില്‍ ഒരു ഭാഗം ഇറാഖിലെ ക്രൈസ്തവരുടെ കണ്ണീരൊപ്പുന്നതിനായി ചിലവിടുവാനാണ് തീരുമാനിച്ചിരിക്കുക. ലേലത്തില്‍ ലഭിക്കുന്ന തുക ഉപവി പ്രവര്‍ത്തനങ്ങള്‍ക്കായി ചിലവിടുമെന്നു സമ്മാനമായി ലഭിച്ച അവസരത്തില്‍ തന്നെ പാപ്പാ വ്യക്തമാക്കിയിരുന്നു.

മ്യൂണിക്കില്‍, സൂത്ത്‌ബെയ് എന്ന കമ്പനിയാണ് ഈ കാര്‍ ലേലത്തില്‍ വിറ്റത്. അടിസ്ഥാന വിലയുടെ ഏതാണ്ട് നാലിരട്ടി വിലയ്ക്കാണ് കാര്‍ വിറ്റു പോയതെന്ന് കമ്പനി വ്യക്തമാക്കി. പേപ്പല്‍ നിറങ്ങളാല്‍ പ്രത്യേക വിധത്തില്‍ കാര്‍ അലങ്കരിക്കുകയും ചെയ്തിരുന്നു.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ.ഓൺലൈൻ ഉത്തരവാദിയായിരിക്കില്ല.

അഭിപ്രായങ്ങൾ

Leave a Reply