പത്രോസ് ശ്ലീഹാ വിശുദ്ധ കുര്‍ബാന അര്‍പ്പിച്ച ദൈവാലയം 

വിശുദ്ധ പത്രോസ് ശ്ലീഹാ ആദിമ ക്രൈസ്തവര്‍ക്കായി വിശുദ്ധ കുര്‍ബാന അര്‍പ്പിച്ചിരുന്ന പുരാതന ദൈവാലയമാണ് ഗ്രോട്ടോ ഓഫ് സെന്റ് പീറ്റര്‍. അന്ത്യോക്യയിലെ സ്റ്റാരിയസ് കുന്നിന്റെ ചെരിവില്‍ സ്ഥിതിചെയ്യുന്ന ഈ ദൈവാലയമാണ് ആദ്യ ക്രിസ്ത്യന്‍ ദൈവാലയമായി കണക്കാക്കുക.

തറയില്‍ നിന്ന് പതിമൂന്നു മീറ്റര്‍ താഴ്ചയിലും ഏഴ് മീറ്റര്‍ ഉയരത്തിലുമാണ് ഈ ഗുഹാ ദൈവാലയം സ്ഥിതി ചെയ്യുന്നത്. ഈ പുരാതന ദൈവാലയത്തിന്റെ അവശിഷ്ടങ്ങള്‍ ഇപ്പോഴും കാണുവാന്‍ സാധിക്കും. നാലോ അഞ്ചോ നൂറ്റാണ്ടുകളില്‍ പണിത ഈ ഗുഹയുടെ തറ മോസൈക്കില്‍ തീര്‍ത്തവയായിരുന്നു. പല ചുവര്‍ ചിത്രങ്ങളും ഇതില്‍ സൂക്ഷിച്ചിരുന്നു. ഈ ഗുഹയ്ക്ക് ചുറ്റുമായി പണിത ദൈവാലയത്തിന്റെ അള്‍ത്താരയുടെ വലതുഭാഗത്തായി ഈ പുരാതന ഗുഹ സംരക്ഷിക്കപ്പെട്ടു പോരുന്നു.

നൂറ്റാണ്ടുകള്‍ക്ക് മുന്‍പ് ഈ ഗുഹയില്‍ ചെറിയ ഒരു നീരുറവ ഉണ്ടായിരുന്നു. അതിനാല്‍ തന്നെ ഇവിടെ നിരവധി മാമ്മോദീസാകള്‍ ആഘോഷിക്കപ്പെട്ടിരുന്നു. എന്നാല്‍ തുടരെ തുടരെ ഉണ്ടായ ഭൂകമ്പത്തില്‍ ആ നീരുറവ ഇല്ലാതായി. 1098   കുരിശുയുദ്ധക്കാര്‍ അന്ത്യോക്യയില്‍ എത്തിയപ്പോള്‍ അവര്‍ ഈ ദൈവാലയത്തിന് മുന്‍ഭാഗം പണിതു. എട്ടാം നൂറ്റാണ്ടില്‍ ഒമ്പതാം പീയൂസ് പാപ്പായുടെ നിര്‍ദ്ദേശപ്രകാരം കപ്പൂച്ചിന്‍ വൈദികര്‍ അത് പുതുക്കിപ്പണിതു.

ഇപ്പോള്‍ ഈ ദൈവാലയം മ്യൂസിയമായാണ് ഉപയോഗിക്കുക. അന്ത്യോക്യയുടെ രക്ഷാധികാരിയായ വിശുദ്ധ പത്രോസിന്റെ തിരുനാള്‍ ദിനമായ ഫെബ്രുവരി ഇരുപത്തി ഒന്നാം തിയതി ഈ ദേവാലയത്തില്‍ പ്രത്യേക കര്‍മ്മങ്ങള്‍ നടത്തും.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ.ഓൺലൈൻ ഉത്തരവാദിയായിരിക്കില്ല.

അഭിപ്രായങ്ങൾ

വായനക്കാരുടെ അഭിപ്രായങ്ങൾ ഇവിടെ എഴുതാവുന്നതാണ്.

Please enter your comment!
Please enter your name here