സീറോ മലബാർ ഏപ്രിൽ 26 മത്താ 15: 1-9 ഹൃദയം

“എന്നാൽ അവരുടെ ഹൃദയം എന്നിൽ നിന്നു വളരെ അകലെയാണ്” (8). അധരങ്ങൾകൊണ്ട് സ്തുതി ഗീതങ്ങൾ ആലപിച്ചാലും ഹൃദയങ്ങൾ അകലെയാണെങ്കിൽ അത് ദൈവത്തിന് പ്രീതികരമാകില്ല. ഹൃദയത്തിന്റെ ഭാവമാണ് പ്രധാനപ്പെട്ടത്. ഹൃദയം ദൈവത്തോട് ചേർന്നാണോ, ഹൃദയം ദൈവത്തിലാണോ, ദൈവം ഹൃദയത്തിലുണ്ടോ തുടങ്ങിയ കാര്യങ്ങൾ നാം ധ്യാനിക്കേണ്ടതായുണ്ട്. ശാരീരികമായി അടുത്ത് നിൽക്കുന്ന രണ്ട് വ്യക്തികൾ; എന്നാൽ അവർ ഹൃദയംകൊണ്ട് അകന്ന അവസ്ഥയിലായാൽ അതുകൊണ്ട് നന്മയിൽ ഉപരി തിന്മയേ സംഭവിക്കുകയുള്ളൂ. വാക്കുകൊണ്ടും മുഖഭാവം കൊണ്ടുമല്ല ദൈവത്തെ സ്‌നേഹിക്കേണ്ടത്; ഹൃദയത്തിന്റെ ഭാവം കൊണ്ടാണ്. എന്റെ ഹൃദയം ഉറപ്പിച്ചിരിക്കുന്നത് എവിടെയാണ്? ദൈവത്തിലോ, മനുഷ്യരിലോ, സാമ്പത്തിലോ, അധികാരത്തിലോ…?

ഫാ. ജി. കടൂപ്പാറയിൽ എം. സി. ബി. എസ്

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ.ഓൺലൈൻ ഉത്തരവാദിയായിരിക്കില്ല.

അഭിപ്രായങ്ങൾ