പോള്‍ ആറാമന്‍ പാപ്പായുടെ ജീവിതത്തെ ആധാരമാക്കിയ ഹ്രസ്വചിത്രം

പോള്‍ ആറാമന്‍ പാപ്പായുടെ ജീവിതത്തെ ആധാരമാക്കി തയ്യാറാക്കിയ ഹ്രസ്വ ചിത്രമാണ് ‘വിശുദ്ധിയിലേയ്ക്കു നടന്നടുത്ത മനുഷ്യന്‍: പോള്‍ ആറാമന്‍’ എന്നത്. വത്തിക്കാന്‍ വാര്‍ത്താവിഭാഗം ഒരുക്കിയ വെബ് ഡോക്യുമെന്ററി ചിത്രമാണിത്.

പോള്‍ ആറാമന്‍ പാപ്പായുടെ പോസ്റ്റുലേറ്റര്‍, ഫാദര്‍ അന്തോണിയോ മറാസ്സോയുടെ അഭിമുഖത്തെ ആധാരമാക്കിയാണ് ചിത്രം തയ്യാറാക്കിയത്. പോള്‍ ആറാമന്‍ പാപ്പായുടെ തനിമയാര്‍ന്ന സംസാരശൈലിയും, ചിന്തകളും ദൃശ്യവത്ക്കരിച്ചിരിക്കുന്ന ചിത്രത്തിന് 2 മിനിറ്റ് ദൈര്‍ഘ്യമാണ് ഉള്ളത്. വത്തിക്കാന്റെ മാധ്യമ വകുപ്പിന്റെ കൗണ്‍സിലര്‍, മോണ്‍സീഞ്ഞോര്‍ ഡാരിയോ വിഗനോ സംവിധാനംചെയ്ത ഈ ഹ്രസ്വവീഡിയോ ചിത്രീകരണം 1964 ഡിസംബര്‍ 2-മുതല്‍ 5-വരെ തിയതികളിലായിരുന്നു.

ഒക്ടോബര്‍ 14-ാം തിയതി ഞായറാഴ്ച ഫ്രാന്‍സിസ് പാപ്പാ പോള്‍ ആറാമന്‍ പാപ്പായെ  വിശുദ്ധപദത്തിലേയ്ക്ക് ഉയര്‍ത്തുകയാണ്. ഈ സാഹചര്യത്തിലാണ് പോള്‍ ആറാമന്‍ പാപ്പായെ കുറിച്ചുള്ള ആ പഴയ ഹ്രസ്വചിത്രം പലരുടെയും ഓര്‍മയില്‍ എത്തുന്നത്. മാറ്റത്തിനുള്ള തലമുറകളുടെ മുറവിളി ക്രൈസ്തവീകതയുടെ ചരിത്രത്തില്‍ പ്രതിദ്ധ്വനിക്കുന്ന കാലത്ത് സഭാ നേതൃത്വത്തിലേയ്ക്ക് കടുന്നുവന്ന കൂര്‍മ്മബുദ്ധിയും വിശുദ്ധിയുമുള്ള മനുഷ്യസ്‌നേഹിയായിരുന്നു പോള്‍ ആറാമന്‍.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ.ഓൺലൈൻ ഉത്തരവാദിയായിരിക്കില്ല.

അഭിപ്രായങ്ങൾ

Leave a Reply