പാപ്പയെ സ്വീകരിക്കാനൊരുങ്ങി ഓസ്തിയ

ജൂണ്‍ മൂന്നാം തീയതി ഫ്രാന്‍സിസ് മാര്‍പാപ്പ ഓസ്തിയായില്‍ ഇടയ സന്ദര്‍ശനം നടത്തും. ദിവ്യകാരുണ്യത്തിരുനാള്‍ ആചരിക്കുന്ന ഞായറാഴ്ചയാണ് പാപ്പാ ഇടയസന്ദര്‍ശനത്തിനെത്തുന്നത്. ഇത് മൂന്നാം തവണയാണ് പാപ്പ ഓസ്തിയ സന്ദര്‍ശിക്കുന്നത്.

2015-ലെ മെയ് 3-ാംതീയതിയായിരുന്നു പാപ്പാ റോമിന്റെ മെത്രാന്‍ എന്ന നിലയില്‍, ഓസ്തിയയിലെ സമാധാനത്തിന്റെ രാജ്ഞിയായ പരി. മറിയത്തിന്റെ  (Santa Maria Regina Pacis) നാമത്തിലുള്ള ഇടവകയില്‍  ആദ്യസന്ദര്‍ശനം നടത്തുന്നത്.

പാപ്പയുടെ രണ്ടാമത്തെ സന്ദര്‍ശനം 2017-ലെ മെയ് 19-ാംതീയതി ആയിരുന്നു. അന്ന് ഇടവകയിലെ പന്ത്രണ്ടു ഭവനങ്ങള്‍ അദ്ദേഹം  വെഞ്ചരിച്ചു.

വാഴ്ത്തപ്പെട്ട പോള്‍ ആറാമന്‍ പാപ്പാ, 1968-ലെ ദിവ്യകാരുണ്യത്തിരുനാള്‍ പ്രദക്ഷിണം നടത്തിയതിന്റെ 50-ാം വാര്‍ഷികത്തിലാണ് ഫ്രാന്‍സിസ് പാപ്പാ ഓസ്തിയയില്‍  വി. മോനിക്കയുടെ നാമത്തിലുള്ള ദേവാലയം സന്ദര്‍ശിക്കുന്നത്. ആഘോഷപൂര്‍വമായ  ദിവ്യകാരുണ്യ പ്രദക്ഷിണത്തിനു അദ്ദേഹം അവിടെ നേതൃത്വം നല്‍കും.

‘പാപ്പായുടെ ഈ സന്ദര്‍ശനം ഓസ്തിയ സമൂഹത്തോടുള്ള സ്‌നേഹത്തിന്റെയും അടുപ്പത്തിന്റെയും അടയാളമാണ്’, ഇടവകവൈദികനായ മോണ്‍. ജൊവാന്നി ഫാല്‍ബോ പറഞ്ഞു.

വായനക്കാരുടെ അഭിപ്രായങ്ങൾ താഴെ എഴുതാവുന്നതാണ്. ദയവായി അസഭ്യവും നിയമവിരുദ്ധവും സ്പര്‍ധ വളര്‍ത്തുന്നതുമായ പരാമർശങ്ങളും, വ്യക്തിപരമായ അധിക്ഷേപങ്ങളും ഒഴിവാക്കുക. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്. വായനക്കാരുടെ അഭിപ്രായ പ്രകടനങ്ങൾക്ക് ലൈഫ്ഡേ.ഓൺലൈൻ ഉത്തരവാദിയായിരിക്കില്ല.

അഭിപ്രായങ്ങൾ

വായനക്കാരുടെ അഭിപ്രായങ്ങൾ ഇവിടെ എഴുതാവുന്നതാണ്.

Please enter your comment!
Please enter your name here